Sondazhi i Piepolit: PS merr 69-73 deputetë!

Publikohen rezultatet e para të sondazhit të institutit italian Piepoli për llogari të Report TV.

Sipas këtij sondazhi, Partia Socialiste, nëse votohet sot merr 69-73 deputetë.

Tabela kryesore e sondazhit ishte ajo e përqindjes së partive në rang kombëtar.

Pyetjes: “Nëse zgjedhjet do zhvilloheshin sot 140 mandatet në Kuvendin e Shqipërisë do të ndaheshin kështu”? 1000 vetë të përzgjedhur në të gjithë vendin dhanë këto përgjigje:

PS, merr 48-52%  të votave, 69-73 mandate, LSI merr 9-13% të votave, 14-18 mandate,

PBDNJ- 0-2% të votave, 0-2 mandate, PD, 28-32% të votave, 41-45 mandate, PR, 1/3% të votave, 1 mandat. Meqë PBDNJ dhe PR nuk garojnë por i ngjizin votat e tyre me PD, atëherë 3 mandatet e saj i shkojnë PD-së që shkon në 45-48 mandate.

PDIU mer 1-2% të votave, 2-4 mandate. FRD e Bamir Topit: 0-2% të votave, 0-1 mandate, LIBRA, 1-3% të votave, 1-3 deputet dhe Sfida e Gjergj Bojaxhiut merr 1-3 % të votave, 1-3 deputetë.

Bie në sy në sondazhin e Piepolit që Edi Rama ka besimin më të lartë të qytetarëve me rreth 66% . Ndërkaq, më të lartë se Rama, besueshmërinë e ka Erion Veliaj, kryebashkiaku i Tiranës.

Ndërkaq, nga e djathta Kryetari i PD-së, Lulzim Basha dhe ish-kryeministri Sali Berisha kanë të njëjtën besueshmëri: 44%. /tesheshi.com/