Instituti Ndërkombëtar Republikan (IRI) ka publikuar anketimin e plotë të zbatuar nga data 6 deri më 15 qershor, lidhur me situatën politike dhe ekonomike në Maqedoni, duke përfshirë dhe incidentin e armatosur në Kumanovë, te “Lagja e Trimave”.
Në pyetjen se për çfarë grupi bëhët fjalë, 49 për qind janë përgjigjur se besojnë se bëhet fjalë për grup të armatosur, i paguar- nxitur nga një subjekti politik ose qeveritar që të shkaktojnë qëllimisht destabilizimin e vendit ndërsa 22 për qind e të anketuarve mendojnë se grupi i armatosur ka vepruar në mënyrë të pavarur për të realizuar kërkesa politike të drejtuara për qeverinë e Maqedonisë.
34 për qind besojnë se qeveria e Maqedonisë ka paguar / nxitur grupet e armatosura për të destabilizuar Maqedoninë. 30 përqind thanë se nuk e dijnë, 8 për qind se grupi paguar është paguar nga VMRO-DPMNE, 6 për qind besojnë të jetë nxitur nga shërbimet e huaja, dhe 4 për qind nga LSDM-ja.
Të pyetur nëse veprimi i policisë është dashur të ndodhë pikërisht në ato ditë për të parandaluar rrezikun më të madh, apo ishte planifikuar me qëllim për të tërhequr vëmendjen nga kriza politike dhe nga të ashtuquajturat “bomba” të LSDM-së, 36 për qind e të anketuarve kanë thënë se besojnë se operacioni kishte për qëllim të defokusojë opinionin.
Përgatiti: Bekim Laçi /tesheshi.com/
