IPR Marketing ka publikuar sondazhin e dytë.
Nëse zgjedhjet do të zhvilloheshin këtë javë, Partia Socialiste do të fitonte rreth 45.0 për qind të votave.
Në vend të dytë, renditet Partia Demokratike e cila merr 37 për qind, ndërsa në vend të tretë renditet Lëvizja Socialiste për Integrim me 13% të votave.
Në vend të katër sipas sondazhit renditet LIBRA e Blushit me 2%, e pas saj vjen PDIU-ja, aktualisht partia e katërt në Kuvendin e Shqipërisë.
Krahasuar me sondazhin e javës së shkuar, atë të 31 majit, Partia Socialiste është rritur me 2%, ndërsa Partia Demokratike është rritur me 1 për qind, e po aq edhe Lëvizja Socialiste për Integrim.
Krahasuar me zgjedhjet e vitit 2013, të gjitha partitë kryesore kanë pësuar rritje, pasi atëherë Partia Socialiste ka fituar 41.4 për qind, Partia Demokratike, 30.6 për qind dhe Lëvizja Socialiste për Integrim 10.5 për qind.
Rritjen më të madhe e ka pësuar Partia Demokratike, duke marrë rreth 7% më shumë vota.
Në sondazhin e zhvilluar për tre qarqe të mëdha të vendit, Fier, Durrës dhe Elbasan, del se Partia Socialiste ka rritje të ndjeshme duke rezultuar me kuotat më të larta: Në Fier PS merr 10 mandate, PD merr 5 mandate dhe LSI 2.
Në qarkun Durrës, sigurisht PS-ja ka rritje dhe shkon tek kuota e 6 deputetëve, PD merr 5 mandate, LSI merr 2 PDIU dhe LIBRA nga 1.
Në qarkun Elbasan, sipas sondazhit të IPR Marketing, PS merr 7-8 mandate, PD merr 4 deputetë, LSI merr 1 deputet, ndërkohë që rrezikohet mandati i PDIU që shikohej i sigurtë në këtë qark. /tesheshi.com/
