Mediat raportojnë se një shtetas kinez ka mbetur i vrarë gjatë shpërthimit në një hotel në Somali. Reporteri i BBC-së në kryeqytetin somalez Mogadishu njoftoi se në mes të 15 viktimave të sulmit vetëvrasës është dhe një anëtar i stafit të ambasadës kineze. Shpërthimi ndodhi në një hotel luksoz të kryeqytetit, pranë selive të ambasadave të Kinës, Katarit dhe Egjiptit.
Sipas agjencisë kineze të lajmeve Xinhua godina e Ambasadës së Kinës në Somali është dëmtuar pjesërisht, ka të plagosur në rradhët e stafit, pa përmendur vdekjen e ndonjerit prej tyre.
Grupi militant somalez Al -Shabaab ka marrë përgjegjësinë për sulmin vetëvrasës.
