Përkrahësit e së majtës franceze u drejtohen sot kutive të votimit në zgjedhjet paraprake presidenciale, ku do duhet të nxjerrin dy emra mes shtatë pretendentëve për t’u bërë kandidatë për president.
Sondazhet e deritanishme flasin për tre pretendentë që hahen më fort mes tyre për të fituar kandidaturën: ish-kryeministri Manuel Valls, si dhe ish-ministrat Arnaud Montebourg dhe Benoit Hamon.
Më i pari gjer tani në anketimet është Montebourg, ish-ministri i Financave, me 29 për qind, i ndjekur nga ish-kryeministri Valls me 26 për qind e Hammon me 25 për qind.
Ndërsa për shumë kohë është parë Manuel Valls si njeriu më i mundshëm për ta fituar kandidaturën e të majtëve, tani besohet se në balotazh do të shkojnë Montebourg dhe Hammon.
Katër kandidatët e tjerë, Vincent Peillon, Sylvia Pinel, Francois de Rugy dhe Jean-Luc Bennahmias, sugjerohet se nuk ka gjasa të shkojnë në balotazhin e një jave më vonë.
Në çdo rast, shumë anketime tregojnë se kandidati socialist do të eliminohet në raundin e parë të zgjedhjeve presidenciale më 23 prill. /tesheshi.com/
