Skenderbeu fillon ëndrrën në Ligën e Kampionëve

Skuadra e Skëndërbeut realizon fitoren e parë në udhëtim në garat europiane. Por, më i vlefshëm se ky fakt është kalimi në fazën tjetër të garave që do ishte historike këtë skuadër. Tashmë kemi të drejtë të ëndërrojmë pas fitores në transfertë ndaj moldavëve të Milsamit.  Dy gola të Hamdi Salihit në pjesën e dytë dhe një hap para për korçarët.
Vendasit e nisin mirë, luajnë fort dhe shpejt, krijojnë disa raste të njëpasnjëshme ku vënë në rrezik Shehin, por mbrojtësit korçarë kujdesen mirë për largimin e topit nga zona. Skënderbeu i mbyll mirë 45 minutat e para, ku arrin të dominojë dhe vendos në rrezik moldavët 25 minutat e dyta.
Fraksioni i dytë i lojës ishte krejt i kundërt pasi Skënderbeu e dominoi lojën dhe e kurorëzoi atë me dy golat e Hamdi Salihit. Sulmuesi i Kombëtares shqiptare përfiton nga një pasim i mrekullueshëm i Liridon Latifit në minutën e 49, për të vulosur topin drejt rrjetës. Nuk ndalet së sulmuesi Skenderbeu dhe në të 75-tën realizon edhe golin e qetësisë. Është sërish Salihi që konverton në gol penaltinë e fituar nga Nimaga.
Ndeshja e kthimit luhet në Korçë, dhe nëse Skënderbeu arrin të ruajë këtë epërsi atëherë faza e grupeve e Evropa Ligës është e sigurt. /tesheshi.com/