Policia e Kosovës është e gatshme të kryejë arrestimet që do të kërkohen nga Gjykata Speciale, kur kjo e fundit të nisë funksionimin. Ministri i Punëve të Brendshme, Skënder Hyseni tha se organet e rendit janë të gatshme që të marrin përgjegjësi.
“Institucionet e Kosovës janë të gatshme t’i marrin përgjegjësit dhe obligimet, më konkretisht Policia e Kosovës do ta bëjë zbatimin e urdhrave të prokurorëve nga kjo gjykatë për t’i arrestuar të dyshuarit e kësaj gjykate”, ka thënë ministri Hyseni.
Me themelimin e Gjykatës, ajo mund të nis funksionimin dhe proceset e para në muajin janar të vitit të ardhshëm. Selia e Gjykatës Speciale nuk do të jetë në Kosovë, por urdhërat e arrestimit të të dyshuarve pritet të zbatohen nga vetë policia e Kosovës. Për këtë qëllim, Hyseni ka deklaruar se nuk do të ketë probleme.
Në konferencën e shtypit të dhënë për disa problematika, ministri I Brendshëm u shpreh edhe për aplikimin e Kosovës në Interpol, ku kërkesa e saj është duke u shqyrtuar. /tesheshi.com/
