Persona të rëndësishëm dhe të nivelit të lartë të establishmentit britanik ka kohë që përfliten për skandale seksuale pedofilie.
I fundit i përfshirë në këto akuza për adhurim të satanit dhe abuzime sekuale me të miturit, është edhe një ish-parlamentar konservator, i ndjeri Enoch Powll.
Powell ndërroi jetë në vitin 1998 dhe është vetëm një nga figurat e profilit të lartë të përmendura nga Kisha e Anglisë si abuzues seksual.
Kjo përfshihet në një material në të cilin ka disa dosje dhe akuza për persona të ndryshëm. Materiali i është dorëzuar Scotland Yard nga peshkopi i Durhamit, Paul Butler. Të dielën në darkë u konfirmuan dy emra në listën e abuzuesve: I sipërpërmenduri dhe emri i një tjetër parlamentari, Leo Abse nga Uellsi, që vdiq në vitin 2008.
Butler, që është në krye të hartimit të materialit të Kishës në lidhje me abuzimet seksuale, deklaroi se emrat e parlamentarëve të mësipërm iu dhanë nga tre të mbijetuar të këtyre abuzimeve. Mes emrave është edhe ai i dy ish ministrave kabineti.
Pretendimet dhe akuzat ndaj dy ish-parlamentarëve të sipërpërmendur, vijnë në momentin kur akuza gjithnjë e më të shpeshta dhe të rënda po ngrihen ndaj elitës britanike për përfshirje në rrjete pedofilësh.
Sipas këtyre akuzave, këto krime janë mbuluar për shumë kohë nga policia britanike. Hetimi historik në lidhje me abuzimet seksuale, që filloi në verën e vitit 2014 nga Sekretarja e Brendeshme, Theresa May, është përballur dhe po përballet me probleme të shumta dhe ndërhyrje, por gjithsesi nuk është ndalur dhe fakte të reja dalin në dritë çdo ditë. /tesheshi.com/
