Nga Donat Maloku
Jemi mësuar me lodra që në thelb kanë dhunën, siç janë armët plastike, por që fëmijëve tanë do u servireshin dhe doreza boksi, ose me saktë doreza hekuri për sherr, siç njihen në gjuhën e rëndomtë, kjo ishte menduar. Edhe pse plastike, ato dhe ashtu janë vrastare nëse përdoren nga fëmijët. Por mjafton pamja e tyre, e cila të çon direkt në mendje mbajtjen prej tyre nga njerëz problematikë, për t`u ndjerë të skandalizuar me atë se çfarë u serviren fëmijëve në rrugë të ndryshme, tashmë dhe nëpërmjet sa qeseve me produkte ushqimore industriale
Kjo po ndodh këto ditë në tregun kosovar dhe së fund kanë qenë një prind i cili e ka denoncuar këtë fenomen në zyrat e Inspektimit në Mitrovicë.
“Të thuash skandaloze është pak, por këto janë institucionet tona që janë të korruptuara dhe nuk çajnë kokën për fëmijët tan se çka iu ofrohet nëpër dyqane”, ka thënë për portalin ‘tesheshi’, babai i fëmijët që kishte blerë të quajturat smoki, qese me prudukte për fëmijë, të njohura dhe ndryshe dhe si patatina.
“Babi, babi, shiko se çfarë më ka ardhur në smoki me lodra, të gjithë në klasë sot mu kanë friku pasi që kisha boksin e hekurit, por unë nuk iu sillesha shumë”, ka cituar prindi t`i ketë thënë fëmija.
“Jam tmerruar kur djali i im që po kthehej nga shkolla më tregoi për një gjë të tillë, nuk mujsha me besua se një lodër e tillë e rrezikshme për shëndetin e fëmijëve mundet të gjendet në gjëra ushqimore, që 98 për qind i blejnë fëmijët e shkollave fillore”, ka thënë babai i nxënësit.
“Djali më tha se babi kjo nuk është hera e parë që kam gjetur boks të hekurit e kam edhe një në shtëpi që e kam blerë ditë më parë dhe shkoi e ma solli”, thotë babai.
Ai thotë se rastin e ka paraqitur në Inspeksion, prej nga ka marrë premtimin se urgjentisht do të ndalohen dhe konfiskohen të gjithë smokit me lodra pa dallim që gjinden në treg.
Ai shqetësohet dhe për faktin tjetër: që dhe materiali plastik i lodrave, mund të jetë i rrezikshëm.
“Unë besoj se këto lodra janë kanacerogjene pas që Institucionet e korruptuara të Kosovës nuk qajnë hallin se çfarë prodhohen dhe çka iu ofrojnë kompanitë tona fëmijëve dhe popullatës në përgjithësi”, ka thënë babai i nxënësit të klasë së dytë fillore.
Nga ana e saj, drejtori i Inspeksionit e Komunës së Mitrovicës, Naim Hajra, tha se falenderon prindin që i ka informuar për një dukuri të tillë, duke shtuar se “është e pa pranueshme që në kësi lloj ushqimi të ketë gjëra të tilla lodra që e sensibilizojnë dhunën.
Hajraj tha se ka urdhëruar të gjithë inspektorët komunalë që menjëherë të dalin në terren dhe të gjithë smokit me lodra që shiten në tregun e Mitrovicës të ndalohen menjëherë.
Ndërsa pronari i kompanisë që është emër i njohur për redaksinë e që i ka prodhuar këtë smoki me lodra, i kontaktuar me tel nga portali ‘tesheshi’, ka theksuar se “revolet dhe boksat janë plastikë dhe më nuk kemi kësi lloji”. /tesheshi.com/
