Tre ditë më parë, Shqipëria kërkoi ndihmën e vendeve fqinje, Greqisë dhe Italisë, për të përballuar situatën e zjarreve.
E ndërsa nga Greqia pati një reagim pozitiv duke ofruar dy avionë të vegjël që u nisën nga Korfuzi në ndihmë të zjarrfikësve shqiptarë, nga pala italiane pati një refuzim.
Por sipas një njoftimi të Njësisë për Operacionet Europiane të Mbrojtjes Civile dhe Ndihmat Humanitare në Komisionin Europian, shkak për mungesën e ndihmës nga Italia ishte situata e rënduar që kishte ky shtet po për shkak të zjarreve.
“Italian EU Buffer Capacity”, baza e emergjencave në Itali për ndërhyrjen kundër zjarreve, nuk ishte e disponueshme më 4 gusht, pasi dy avionët “Canadairs” u angazhuan në operacione për shuarjen e zjarreve në Itali.
Ndërkohë sikundër mësohet, Greqia veç ndihmës me avionë të vegjël, ka ofruar gjithashtu forca zjarrfikëse tokësore.
/tesheshi.com/
