Alaa Jaleel ka rrezikuar jetën e tij çdo ditë duke pasur në mendje një qëllim të vetëm: t’u sigurojë ushqim dhe strehë atyre që janë në nevojë.
Edhe kur shumica e fqinjëve, famlijarëve dhe miqve e lanë qytetin e Halepit, ky burrë zgjodhi të qendronte në mënyrë që të kujdesej për kafshët shtëpiake që kishin mbetur pa shtëpi si pasojë e ikjes së njerëzve.
Sot, Alaa kujdeset për më shumë se njëqind felinë, përfshirë një mace që ia ka sjellë një vajzë e vogël, familja e të cilës u detyrua ta lërë vendin.
“I premtova asaj vajze se do t’ia ruaja macen deri sa të kthehej përsëri,” thotë ai. /tesheshi.com/
