Tempulli më i rëndësishëm në qytetin antic Palmyra në Siri është shkatërruar nga militantët e Shtetit Islamik. Bëhet fjalë sipas ekspertëve për monumentin më të rëndësishëm në këtë qytet antik, ndërsa javë më parë ata hodhën në erë një tjetër tempull.
“Është shkatërruar gjithçka. Tullat dhe kolonat janë të gjitha në tokë. Ishte një shpërthim shumë i fortë, edhe një shurdh do e dëgjonte”, tha një banor i Palmirës për Associated Press.
Palmyra ka rënë në duart e Shtetit Islamik në muajin maj dhe që në atë kohë, ekspertët shprehën shqetësimin se ata do ta shkatërronin këtë trashëgimi botërore të UNESCO-s.
Rrënojat greko-romake të qytetit të famshëm antik ndodhen në shkretëtirë në verilindje të kryeqytetetit sirian, Damaskut. Luftimet në Siri vijojnë prej më shumë se katër vjetësh dhe duket se nuk ende asnjë plan konkret për të gjetur zgjidhje për konfliktin, i ashpërsuar edhe më tej nga hyrja në skenë e Shtetit Islamik. /tesheshi.com/
