Siç duket vapa po u prihet ters qeveritarëve në të dy anët e kufirt shqiptarë, megjithë konditat mjaft të favorshme të cilësisë së pushimeve të tyre.
Pas zërave për një problem në marrëdhënien mes Edi Ramës dhe Ilir Metës në Tiranë, këto ditë, kriza e marrëdhënieve është transferuar edhe në Prishtinë.
Ka hatërmbetje raportohet nga disa qarqe mes PDK-së dhe LDK-së pas disa lëvizjeve që ka firmosur në qeveri Kryeministri ndaj kuafrove të partisë së më të madhe por që është e dyta në ekzekutiv: Partisë Demokratike të Hashim Thaçi.
Ka qenë vetë kreu i grupit parlamentar të PDK-së, Adem Grabovci, që ka akuzuar disa ministra të LDK-së, por pa i përmendur emrin se “po veprojnë me ngut”.
“Aktualisht është duke shkuar mirë koalicioni, me disa përjashtime ndoshta, me disa lëshime të disa ministrave, të cilët i kanë ndërmarrë disa hapa të ngutshme. Vlerësoj që janë në kundërshtim me rregullat e partneritetit, por besoj që do t’i korrigjojnë ato veprime, të cilat së pari dëmtojnë institucionet përkatëse”, ka deklaruar Grabovci, duke thënë se është mandati i tretë që PDK-ja është në qeverisje dhe kjo parti politike asnjëherë nuk ka larguar nga puna mbi baza partiake, por ka vepruar mbi baza profesionale.
/tesheshi.com/
