Partia “homologe” me Syriza-n në Spanjë sa i përket qëndrimit të prerë kundër masave të kursimit, Podemos u distancua nga simotra e saj greke, pasi kjo e fundit u detyrua nga kreditorët të pranojë një marrëveshje të ashpër për të mos falimentuar nën barrën e borxhit të stërmadh.
Podemos që performon fuqishëm në sondazhe përpara zgjedhjeve të përgjithshme në Spanjë që mbahen në fund të vitit, këmbëngul se vendi nuk do të ndjekë të njëjtën rrugë me Greqinë nëse Podemos merr pushtetin.
“Spanja nuk është Greqi”, thanë drejtues të Podemos, duke përdorur të njëjtën frazë që konservatorët në Qeveri përdorin për të siguruar votuesit.
“Greqia dhe Spanja janë ekonomi të ndryshme me situata shumë të ndryshme që kërkojnë strategji ekonomike të ndryshme”, tha kreu i Departamentit Ekonomik në Podemos, duke shtuar se “”Podemos dhe Syriza kanë qasje të ndryshme ekonomike”
Krijuar vetëm një vit e gjysëm më parë, Podemos ka shtuar popullaritetin e saj dhe renditet e treta në sondazhe.
Partia Popullore ne pushtet thotë se nëse Podemos ndryshon kursin ekonomik pas zgjedhjeve, Spanja mund të zhytet sërish në krizë. /tesheshi/
