Lojtari i Bayern-it, Sadio Mane, u bë fituesi i parë i çmimit Socrates(ish-futbollisti i famshëm brazilian me profesion mjek) për angazhim social, pra për kontribut humanitar në futboll. Mane u shpërblye për angazhim social dhe veprime humanitare në vendin e tij ku ndërton spitale, shkolla dhe ndihmon të varfërit.
Edhe pse është një nga futbollistët më të pëlqyer në botë, Mane njihet si një futbollist modest që shpesh dhuron për qëllime humanitare.
Ai lindi në fshatin Bambali të Senegalit. Pasi u bë një nga lojtarët më të mirë të futbollit në botë, ai shpesh dhuron para për bashkatdhetarët dhe fqinjët e tij.
Frank Khalid, një biznesmen, sipërmarrës, filantrop dhe fans i filmit dhe futbollit britanik, njoftoi në Tëitter se çfarë investoi Mane për të modernizuar Senegalin dhe fshatin e tij të lindjes.
“Ai ndërtoi një spital 455,000 £ dhe një shkollë 250,000 euro në fshatin e tij, Bambali. Ai i jep 70 euro në muaj çdo familjeje në fshat. Ai u dha atyre internet 4G. Ai po ndërton një pikë karburanti dhe një postë. 2000 njerëz jetojnë në fshatin e tij”, ka shkruar Khalid.
Një tjetër akt shembullor i Mane jashtë fushës ndodhi në spital në janar të këtij viti. Ai u gjend aty pasi pësoi një dëmtim në një ndeshje kundër Cape Verde në fazën e 16-të të Kupës së Kombeve të Afrikës.
Për shkak të dëmtimit të tij i është dashur të qëndrojë aty për një kohë të shkurtër për t’u trajtuar dhe, në ato kushte ka arritur të tregojë se ka një zemër të madhe.
Në spital, senegalezi dëgjoi se një fëmijë ishte në rrezik, dhe se kostot e trajtimit ishin shumë të shtrenjta për familjen.
Mjekimi ishte i nevojshëm, ndaj menjëherë dhe Mane zgjidhi problemin e tij financiar.
Mane nuk e ka harruar kurrë se ai vetë ishte i varfër dhe tani një pjesë të popullaritetit të tij ua transferon si shpërblim atyre që e mbështesin gjithmonë dhe e admirojnë për sukseset e tij futbollistike dhe njerëzore.
Kështu, në kohën kur dikush fiton Topin Artë, si Benzema së fundi, nuk ekziston një çmim që do quhej “zemra e artë”, i cili padyshim i takon Mane. Kjo, prej fetarizmit të tij të thellë si besimtar musliman. /tesheshi.com/
