Kur mendojmë për ushqim shtëpie na shkon mendja tek një ushqim i shëndetshëm por kjo nuk është gjithmonë e vërtetë. I gjithë problemi qëndron tek baza e ushqimeve që përdorim. Nëse zgjedhim një bazë të mirë, normalisht dhe një mënyrë gatimi të mirë, duke zgjedhur disa ushqime ndaj disa të tjerë, atëherë mund ta shndërrojmë të ushqyerit tonë në një stil jetese të shëndetshme.

Kripa

Shumë mund të jenë totalisht kundra dhe nuk e përfshijnë në gatime. Kjo s’do të thotë se duhet eliminuar plotësisht. Një sasi e limituar e kripës është e nevojshme për shëndetin tonë. Mirëpo mund të zgjedhim një kripë rozë himalajane në vend të kripës së zakonshme të kuzhinës.

Salca e kavanozit apo kanaçes?

Absolutisht eliminojeni këtë lloj salce dhe filloni përgatisni salcën tuaj të bërë në shtëpi të freskët dhe të shëndetshme. Me gjithatë nëse ndonjë salcë jua mbush mendjen për shkak se shkruhet në etiketë “organike” para se ta merrni lexojeni mirë etiketën.

Produktet e mishit

Proshutat, sallami, salçicet, qoftet e të ngjshme duhen zëvëndësuar me mish të freskët si gjoks pule apo gjoks gjeli.

Kos frutash

Zakonisht etiketa e një kosi me fruta lexon “copa frutash”. “pa sheqer” apo dhe “djetike”. Mos i besoni është shumë e vështirë që një produkt bulmeti së bashku me frutat të qëndrojë aq gjatë i konservuar. Pra imagjinoni për përbërjet e tyre.  E keni menduar ndonjëherë përse një kos normal e ka skadencën një javë apo maksimumi dy, ndërsa kosi i frutave me muaj të tërë? /tesheshi.com/