Në mënyrë që fëmijët të përballen me sukses me idenë e ndërrimit të përkohshëm të vendbanimit, duhet që në fillim prindërit të jenë të organizuar, të qetë, shpresëplotë dhe të aftë për të shndërruar emocionet e tyre në energji pozitive.
Kjo, sepse fëmijët, veçanërisht ata në moshë të vogël, janë gjatë gjithë kohës nën veprimin e energjisë që prindi përcjell, në këtë mënyrë ata ndjekin shembullin e tyre.
Për shkak se ndërrimi i vendbanimit do të thotë fillimi i një shkolle të re, krijimi i një shoqërie të re, ndryshimi i rutinës së deritanishme etj., pjestarët e familjes e kanë të nevojshme të komunikojnë me njëri -tjetrin për ndryshimet e reja që do të zenë vend në jetën e tyre.
Ndaj mbledhjet familjare të herëpashershme përpara nisjes janë një ide e mirë. Gjithësecili mund të diskutojë rreth pyetjeve si; “Si ndihesh tani që do të ndërrojmë vendbanim?” apo “Çfarë të bën të ndjehesh nervoz për këtë shpërngulje?”
Diskutimi rreth ndjesive, qoftë negative apo pozitive, të fëmijëve, i ndihmon prindërit t’i kuptojnë ata më mirë që t’i ndihmojnë për menaxhimin e tyre./tesheshi.com
