Stina e verës nuk mund të mendohet pa të bardhën dhe është vërtetuar shkencërisht se kjo ngjyrë na bën të ndihemi të gjallë dhe më të lumtur. Ka ardhur koha të nxirrni çdo veshje të bardhë nga garderoba e ta vishni.
Deri këtu jemi në rregull, por me këtë ngjyrë ka diçka që nuk shkon. Rrobat, këpucët apo aksesorët e bardhë bëhen lehtësisht pis. Sa ngjyrë praktike dhe lehtësisht e kombinueshme është, po aq e vështirë është për t’u pastruar.
Të gjithëve mund të na vijnë ndërmend ndonjë palë atlete të bardha. Duke mos ditur mënyrën e duhur si t’i pastrojmë shpesh herë përfundojnë në lavatriçe.
Më poshtë do të lexoni mënyrën më të lehtë dhe të shpejtë si të pastroni atletet e bardha.
Përbërësit:
½ filxhan uthull të bardhë
¼ filxhan sodë buke
1 furçë
Udhëzime:
Përzieni sodën e bukës me uthullën e bardhë derisa të bëhet si shkumë. Përdorni furçën për të pastruar atletet dhe lërini për 30 minuta. Më pas shplajini me ujë të ftohtë dhe atletet do të duken si ditën e parë që i keni blerë. /tesheshi.com/
