Një nga rivalët e mëdhenj të Guardiolës në nivelin më të lartë të futbollit evropian është Jose Mourinho, por edhe ai shpejtoi t’i përkulej disa vite më parë madhështisë së njeriut që ndryshoi futbollin. Duke dashur të përcaktojë punën e madhe të trajnerit spanjoll te Manchester City, Mourinho deklaroi se “kjo është trashëgimia e futbollit”!
Një sistem i pashtershëm që shpenzon para – gjithnjë e më me mençuri – dhe kohët e fundit është kthyer në një kompani me më shumë shitje të futbollistëve në botë. Ose, të paktën, ai që fiton më shumë para, ndërkohë që, në të njëjtën kohë, konkurron në mënyrë të pangopur për të gjithë titujt. Që nga ardhja e Pep Guardiolës në vitin 2016, Manchester City është shpenzuesi i katërt më i madh i transferimeve në botë me një miliard e 530 milionë euro! E kalojnë vetëm Manchester United me një miliard e 540 milionë, Paris Saint-Germain me një miliard e 650 milionë dhe Chelsea me dy miliardë e 350 milionë euro. Tani janë bërë “ekspertë” kur bëhet fjalë për shitjen në momentin e duhur. Në këto tetë sezone, skuadrat me më shumë para (842 milionë) kanë hyrë tashmë në Top-10 në transferta.
Të ardhurat nga transferta (2016-2024)
Chelsea (1.250 milionë)
Benfica (1.180 milionë)
Juventus (1,080 milionë)
Barcelona (993 milionë)
Monako (977 milionë)
Borussia Dortmund (972 milionë)
Ajax (960 milionë)
Atletico Madrid (851 milionë)
Manchester City (842 milionë)
Lyon (765 milionë)
Në fakt, nëntë nga dhjetë shitjet më të shtrenjta të lojtarëve në historinë e Manchester City-t kanë ndodhur nën drejtimin e Pep dhe shtatë prej tyre kanë ardhur në tre sezonet e fundit, periudha kohore në të cilën City u shit për një vlerë prej 403 milionë euro. Vetëm Benfica (477 milionë) dhe Chelsea (490 milionë) kanë më shumë të ardhura nga transferimet.
Të ardhura nga transferta (2022-2024)
Chelsea (490 milionë)
Benfica (477 milionë)
Ajax (404 milionë)
Manchester City (403 milionë)
Leipzig (382 milionë)
Shifrave mbresëlënëse të Manchester City-t duhet t’i shtohen edhe 128 milionë për shitje të futbollistëve të rinj, që ishin pjesë e ekipit të parë. Sigurisht, përveç Ilkay Gundogan që u largua pa pagesë verën e kaluar dhe u kthye nga Barcelona 12 muaj më vonë, ata nuk kanë humbur asnjë lojtar nga skuadra e Guardiolës që kushtoi rreth 650 milionë euro. Shembulli më i mirë është se ata më në fund kanë ngritur Ligën e tyre të shumëpritur të Kampionëve në vitin 2023 dhe sapo kanë filluar rrugën drejt repokerëve të njëpasnjëshëm të Premier League.
Një verë e mbushur me ar
Në veçanti, verën e kaluar, shitjet e Julian Alvarez, Joao Cancelo, Taylor Harëood-Bellis dhe Sergio Gomez kanë gjeneruar 141 milionë euro. Veç kësaj, duhet të shtojmë edhe Yann Couto, i cili vjen në formë huazimi te Borussia Dortmund për katër milionë euro dhe ka detyrim të blejë (nëse plotësohen disa kushte) rreth 25 milionë euro.
Shitja e Julian Alvarez ishte mjaft e vështirë, pasi ai ishte futbollisti që shpjegoi më mirë se kushdo pse Manchester City kishte skuadrën më të kompletuar në botë. Në të njëjtën kohë, ishte edhe shitja më e shtrenjtë në historinë e skuadrës, pasi në arka hynë 95 milion euro. Prandaj ka shumë para për të tronditur tregun e transferimeve dhe përpjekje për të forcuar më tej skuadrën. Por City nuk është një klub që ka lëvizur me vrull kohët e fundit.
Gjatë verës, emra të ndryshëm janë lidhur me zë të lartë për kalimin në Manchester City. Megjithatë, nga Anglia raportojnë se nuk do të çmenden. Kjo është arsyeja pse ata janë në kërkim të talenteve me vlerë të madhe rishitëse. Ky është Ori Oscarsson, sulmuesi 19-vjeçar islandez që ka shënuar shtatë gola në 11 ndeshje këtë sezon me Kopenhagen.
Pep Guardiola e ka kthyer Manchester City-n në një “makinë” që “pret para” përmes marrëveshjeve (blerje-shitje) që ai ndërmerr, duke i shtuar çdo vit më shumë vlerë markës dhe trashëgimisë së futbollit që do të lërë pas. /tesheshi.com/
