Afro 22 përqind e popullatës botërore, apo 1.6 miliard njerëz pritet të agjërojnë gjatë muajit të Ramazanit në gjithë botën.
Zonat si Lapland, Finlanda dhe Suedia mund të përjetojnë pak apo fare perëndimin e diellit. P.sh., në Finlandën veriore dielli perëndon për vetëm 55 minuta.
Një musliman që jeton në një prej këtyre zonave, Mohammed thotë se: “Agjërimi fillon në orën 1:35 në mëngjesin e hershëm dhe përfundon në ora 12:48 në mbrëmje, që i bie se agjërimi zgjat 23 orë dhe 5 minuta. Miqtë, familja dhe farefisi im të cilët jetojnë në Bangladesh, nuk mund të imagjinojnë se si ia dalim të agjërojmë Ramazanin me më shumë se 20 orë agjërim”.
“Andaj, kur dëgjojnë se ne këtu agjërojmë 22 orë e gjysmë ose 23 orë, ata pyesin: “Kjo është e pamundur, si ka mundësi t’ia dilni?”
“Por falë Zotit ia dalim disi, dhe madje ndihemi shumë mirë”.
Ai thotë se myslimanët e tjerë në vendet fqinje me të njëjtat kushte, kanë gjetur mënyra të ndryshme të adaptimit: “Disa myslimanë tjerë, të cilët jetojnë në Lapland, shumica prej tyre ndjekin orarin e agjërimit sipas vendeve të Lindjes së Mesme, ose atë të vendit më të afërt islam, Turqisë.”
Koha dhe datat e muajit të Ramazanit dhe agjërimi në këtë muaj, ndryshon çdo vit në raport me kalendarin perëndimor, ngase ato normalisht caktohen përmes ciklit hënor. /tesheshi.com/
