Legjenda e futbollit francez, Zinedine Zidane, veç aftësive të tij sportive, mbahet mend për një veprim aspak sportiv. Bëhet fjalë për goditjen me kokë të futbollistit italian, Marco Materrazin, në finalen e Kampionatit Botëror të vitit 2016.
Si për ironi të fatit, një dekadë më vonë, i biri i tij Lucas, portier në grupmoshat e reja të Real Madrid-it, përsëriti veprimin e të atit, duke goditur një lojtar rival me kokë, për t’u përjashtuar më pas.
Lucas, 17 vjeçar ka humbur kontrollin, ndërsa po ruante portën e moshave të Real Madrid-it, në duelin derbi, ndaj rivalit lokal Atletico Madrid. Përgjatë një zënke mes futbollistëve, Lucas ka goditur njërin nga lojtarët kundërshtarë me kokë, për t’u ndëshkuar nga gjyqtari i ndeshjes.
Edhe pse në një ndeshje të moshave, ky gjest është diskutuar gjatë në mediumet e ndryshme spanjolle dhe ato europiane, duke e përjetuar si një “deja vu”, veprimin e Lucas, të cilin e kishte bërë i ati i tij kohë më parë. /tesheshi.com/
