Teksa afrohej fundi i karantiës, ku qeverie ofronte ditë pas dite porcione lirie, nga autoritetet shëndetësore, më saktë Ministria e Shëndetësië, u publikua një poster me natyrë apeluese për jetën pas karantine. Aty, ishte zgjedhur për t’u veçuar si paralajmërim rreziku mosshkuarja në tubime fetare. Pra, vetëm në tubime fetare, duke u potencuar vetëm kjo.
Pati pothuajse një reaksion publik në unison ndaj proçke, por që Manastiliu, përgjegjësja direkte për të, ngase dilte nga dikasteri i saj, kurrë nuk u prononcua mbi rastin. Në fakt, as në studio televizive s’u pyet për këtë, disa herë e ftuar ç’prej kur doli posteri. U zgjodh heshtja, edhe fakti i kryer: nga tubimet fetare e vetëm ato, mund të kishte vatra infeksioni. Por kjo është gjysma e së vërtetës. S’ka dyshim se ku ka tubime, pra masa njerëzore me individë në afërsi, patjetër që ka risk. Por kjo s’vlen vetëm për tubimet fetare, e ashtu e servirur ishte fyese, ngase ishte më e pakta diferencuese. E përkthyer, tubimet fetara dilnin të ishin “delja e zezë” e epidemisë. Të tjerat jo aq.
Por tani që po ka një rishpërthim të infektimeve, tubimet fetare s’po janë asgjëkundi si shkak. E është kjo një shuplakëe rëndë për Ministrinë e Shëndetësië, pse jo për vetë Manastirliun, së cilës iu mbush faqja e FB me reagime e nuk denjoi të reagonte.
Siç pohohet nga dikasteri që ajo drejton, vatrat e infeksionit janë krejt tjera; biznese, ceremoni mortore, e ç’është më ironike ambiente spitalore. Siç është konfirmuar, QSUT-ja është njëra prej tyre në këtë valë rishpërthimi.
Kjo nuk do të thotë që tubimet fetare janë të imunizuara, e nesër, mos e dhëntë Zoti, edhe ato mund të jenë vatra infeksioni, por nuk kishte pse të veçoheshin ato si “dele e zezë” në apelin institucional.
Shuplaka që po marrin këto ditë ideuesit e posterit, është shumë sinjifikative, ndonëse dëshpëruese në terma shoqërorë. /tesheshi.com/
