Më 20 qershor ai u shtrua në spital pasi ishte prekur nga koronavirusi, ndërsa mjekët e vendosën në koma të induktuar për shkak të dështimit të
Artisti rus i rrugës Dmitri Brubel, i cili u bë i famshëm për grafitin që përshkruan ish-liderin sovjetik Leonid Brezhnev duke puthur liderin gjermano-lindor Eric Honecker në Murin e Berlinit, ka vdekur në moshën 62-vjeçare.
Më 20 qershor ai u shtrua në spital pasi ishte prekur nga koronavirusi, ndërsa mjekët e vendosën në koma të
induktuar për shkak të dështimit të zemrës.
Puthja mes dy liderëve është krijuar në vitin 1990 dhe është quajtur “puthja e vëllazërisë socialiste” është një nga veprat më të famshme të periudhës së pas Luftës së Ftohtë dhe një nga pamjet më të njohura të Berlinit. Titulli i tij zyrtar është “Zoti im, unë luftova për t’i mbijetuar kësaj dashurie vdekjeprurëse”.
Brubel e mori frymëzimin e tij nga një foto e jetës reale e bërë në vitin 1979 të Brezhnev dhe Honecker duke u puthur në festimet e 30-vjetorit e themelimit të Republikës Demokratike Gjermane. Në fakt, artisti i rrugës e pikturoi përsëri grafitin në vitin 2009, pasi ishte dëmtuar dhe vandalizuar gjatë viteve.
Artisti i rrugës ka lindur në vitin 1960 në Moskë dhe që në moshën 15-vjeçare filloi të pikturojë. Kur u rrit hapi galerinë e tij dhe pas rënies së Murit në vitin 1990 shkoi në Berlin. Shpesh ai është parë me kapele të zezë dhe jo pak herë ka qenë në qendër të vëmendjes për shkak të përmbajtjes politike që shfaqnin veprat e tij. /tesheshi.com/
