Afro 20 vite pas ngjarjeve të vitit ’97 kur me mijra armë ranë në duart e popullatës pas hapjes dhe bastisjes së së depove ushtrake, do ketë sërish një fushatë për mbledhjen e armëve, pra heqjen e tyre nga duart e njerëzve, pasi ende krimet që ndodhin në Shqipëri bëhen me armët e asaj kohe.
“Mos gjuaj, por duaj” – është motoja e fushatës së radhës për çarmatosjen e popullsisë promovuar këtë të martë nga ministria e Rendit, e cila do të organizohet në bashkëpunim me ndërkombëtarët.
Sipas ministri Tahiri, efektivë policie do të shkojnë në çdo shtëpi për të komunikuar rrezikun që vjen nga armët.
“Do nisim një fushatë të gjerë në çdo qytet, fshat e shtëpi për mbledhjen e armëve pa leje. Fitore më e madhe do të jetë edhe sikur të bindim dhe 5 njerëz në çdo qytet të mos mbajnë armë pa leje”, tha Tahiri duke bërë thirrje për bashkëpunim.
“Gjatë 20 viteve miliona ishin armët në duart e qytetarëve. Nga 1997 janë 10 mijë qytetarë që kanë humbur jetën apo janë plagosur nga armët ilegale. Arma nuk është pjesë e burrërisë nuk është më shumë sesa dija, sesa kultura. Nuk është detyrë e lehtë, por është diçka që ne duhet të arrijmë bashkë. I bëj thirrje çdo qytetari të braktisë armët”, theksoi kreu i Rendit.
Në kohën kur popullsia u armatos, një prej motiveve të marrjes së një armë ishte vetëmbrojtja në kushtet e kaosit. Por në vite, ato armë u futën në punë për të qëruar hesapet në shumë rrethana. Edhe sot e kësaj dite, armët e `97-ës vijonë të bëjnë kërdinë në krime të ndryshme të karakterin ordiner. /tesheshi.com/
