Autoriteteve italianë iu rikthyes sot një piano e vjedhur nga dy shqiptarë në 2015-ën dhe shitur në Vorë, te një person që e kuptoi vlerën e saj dhe jua bleu grabitësve për disa bokse Vuver, siç raportohet.
Fjala është për një piano antike të shekullit të XVIII, pjesë e trashëgimisë kulturore italiane, e vjedhur në ë Konservatorin e Parmës.
Vjedhja ndodhi më 5 janar të vitit 2015.
Ministri i Drejtësisë Ulsi Manja tha se dorëzimi i pianos së vjedhur është një shenjë e bashkëpunimit serioz me një vend mik që është Italia.
“Është një shenjë e bashkëpunimit serioz me një vend mik që është Italia. Ne duam ta shtrijmë këtë bashkëpunim në të ardhmen pse jo për të bërë të mundur riatdhesimin reciprok të të gjitha veprave të trashëgimisë kulturore. Këto vepra të shkojnë aty ku ishin sepse janë pronë e popullit italian. Janë tregues i qartë i identitetit tonë kombëtar”, tha Manja.
Ndërsa Ministrja e Kulturës, Elva Margariti, tha se lufta kundër trafikimit të objekteve të kulturës është prioritet.
“Një ceremoni shumë simbolikë. Jo se është akt i vogël por ka simbolikën e një bashkëpunimi në shekuj. Jemi këtu sot të lidhur përmes trashëgimisë kulturore, e cila nuk i përket vetëm Italisë por gjithë botës. Është e rëndësishme që të vlerësojmë këtu sot të gjithë punën që është bërë. Ne kemi një prioritet në ministri që është lufta kundër trafikut të objekteve kulturore. Italia është partner strategjik për ne”, tha ajo.
Ambasadori italian në Tiranë, Fabirzzio Buçi tha se “është një moment shumë i rëndësishëm pasi marrim në dorëzim këtë instrument që përben rezultatin e parë të këtij bashkëpunimi”.
Ndërkohë, komandanti i komandës së Karabinierëve për trashëgiminë kulturore, Roberto Riçardi, shfaqi lumturinë e tij dhe për diçka tjetër.
“Jam i lumtur që të jem këtu sot me ju, falënderoj ministrinë e Drejtorisë dhe të Kulturës Italiane. Jam shumë i lumtur dhe për një arsye tjetër. Krahas faktit të marrjes në dorëzim të një objekti me rëndësi të madhe kulturore, por edhe për faktin se jam shqiptar me zemër”, tha ai.
Meritë në këtë kthim të pianos së vyer aty nga u morr, ka Gëzim Haxhiu, poseduesi i sallonit elektronik “Muzik Store” në Vorë, njeriu që e bleu dhe që më pas njoftoi autoritetet italiane për instrumentin e rrallë që kishte mundur ta shtinte në dorë. /tesheshi.com/
