Shqipëria dhe Italia luajnë ndeshjen e fundit në grup të vlefshme për Botërorin “Rusia 2018”. Takimi do të luhet në orën 20:45 në stadiumin “Loro Boriçi” në Shkodër, ndërsa të pranishëm në shkallët e stadiumit veç qytetarëve do të jenë edhe politikanët më të lartë në vend, por jo vetëm. Biletat për këtë sfidë janë shitur prej ditësh, ndërsa policia ka ndërmarrë masa ekstreme për të garantuar takimin.
Sikundër raportohet në tribunën VIP, do të jenë të pranishëm presidenti Ilir Meta dhe kryeministri, Edi Rama. Gjithashtu presidentii Kosovës, Hashim Thaçi, dhe kryeparlamentari Kadri Veseli, mësohet se do të ndjekin nga afër ndeshjen e kuqezinjve. Po kështu mbi 70 % e deputetëve pritet të jenë në tribunë përtë ndjekur takimin, i cili megjithëse nuk ka ndonjë ndikim në renditjen e grupit, pritet të dhurojë emocione. Dhe sigurisht prania e lartë në shkallët e takimit nuk ka të bëjë vetëm me mbështetjen ndaj kuqezinjve, por edhe për të parë nga afër yjet e Italisë. /tesheshi.com/
