Numri i aksidenteve me fatalitet mbetet shqetësues dhe gjithnjë po shënon rritje në muajt e verës, kohë kjo kur mërgimtarët vijnë në pushime.
Nga e marta e javës së kaluar deri të hënën e kësaj jave, në aksidente trafiku kanë humbur jetën 5 persona. Këto të dhëna janë pjesë e raporteve 24-orëshe të policisë. Gjatë kësaj periudhe, sipas këtyre të dhënave, kanë ndodhur edhe gjithsej 152 aksidente me të lënduar dhe 354 aksidente trafiku pa të lënduar.
Sipas zëdhënësit të policisë, Daut Hoxha, në të shumtën e rasteve është konstatuar se deri tek aksidentet kanë quar tejkalimi i shpejtësisë, mosmbajtja e distancës ndërmjet automjeteve, gjendja teknike e automjeteve si dhe kushtet e rrugës./Tesheshi.com./
