Shpiragu: pse qeveria po druhet të falenderojë Zotin?

Ministrja Balluku ka përcjell një tjetër mesazh mbi Shpiragun, duke lënë të nënkuptuar se vërtet aty po “ndrit fati ekonomik” i Shqipërisë me burime nafte e gazi si tokat arabe.

“Zbulimi i Shell Upstream Albania, është një gur kilometrik për një vend naftëmbajtës si Shqipëria, por që kurrë më parë nuk ka pasur një mundësi të vërtetë të zbulimit të potencialeve nëntokësore që ka.

Prej këtu nis një rrugë e gjatë ndryshuese për vendin tonë dhe ne jemi të angazhuar të arrijmë përmes bashkëpunimit me kompanitë e ekselencës botërore, rezultatet më të favorshëm, por mbi të gjitha të jemi transparent dhe të komunikojmë me shqiptarët gjithçka, pasi të gjitha këto pasuri i përkasin popullit dhe do të jenë në funksion të tij përmes një Fondi Sovran, duke ndjekur praktikat më të mira ndërkombëtare.

Dekada që kemi përpara do të shënojë një periudhë të re, të begatë për vendin tonë, një periudhë të re për çdo fëmijë, vajza e djem, burra e gra që kanë besuar dhe nuk janë asnjëherë dorëzuar së besuari, se Shqipëria është vendi ku ata duan të jetojnë”, shkruan numri dy i qeverisë.

Por nëse është vërtet kështu, siç besohet se është, narrativa qeveritare mbi Shpiragun duhej ta kishte një falenderim për Zotin, pasuri e të Cilit është ajo që ka entuziazmuar qeverisjen. /tesheshi.com/