Humbja e Liverpoolit në gjysmëfinalen e Fa Cup ndaj Aston Villës (2:1) nuk është kapërdirë edhe aq lehtë nga tifozët e kuq. Ata kanë kërkuar shkarkimin e Brendan Rodgers menaxherit aktual të klubit dhe sjelljen e trajnerit gjerman Jurgen Klopp në Anfield.
Ka kaluar kohë e gjatë që tifozët e Liverpoolit nuk e kanë shijuar momentin që lojtarët e tyre të ngrisin ndonjë trofe. Madje eleminimi i hershëm nga garat evropiane dhe ato të ligë veç se I ka nevrikosur më shumë. Disa prej tyre tashmë janë të lodhur me këtë gjendje dhe kërkojnë zgjidhje të menjëhershme.
Ata kanë shkruar në rrjetet sociale se kush mund të jetë shpëtimtari i Liverpoolit.
Jurgen Klopp po shihet si magjistari që ka shkopin magjik për ti ndryshuar gjërat pozitivisht në klubin nga Anfield. Gjermani është ndarë tashmë nga Borussia Dortmund dhe në fund të sezonit është në kërkim të një aventure të re, prandaj edhe shumë skuadra i janë vënë pas.
Ardhja e tij në Liverpool do të mund të kishte efekt edhe te disa futbollistë që ai vetë i solli te skuadra “verdh e zi” të cilën e drejtoi për disa vite më rradhë. Kjo është një sinjal i forte për drejtuesit e klubit nga ishulli që njihet për tifozët besnik që i ka. /tesheshi.com/
