10 të vrarë e së paku 30 persona të plagosur rëndë nga një shpërthim me eksploziv artizanal në një stacion të metrosë së Institutit Teknologjik, në Shën Peterburg. Shpërthimi ka ndodhur rreth orës 15.
Shërbimet e urgjencës kanë mbërritur menjëherë në vendngjarje për të bërë të mundur shoqërimin e të plagosurve në spitalet më të afërt dhe për të dhënë ndihmën e parë. Metrotë e Shën Peterburgut janë bllokuar dhe trenat nuk ndalojnë nëpër stacione nga frika e ndonjë sulmi tjetër të mundëshëm, deri në një njoftim të dytë.
Mediat ruse njoftojnë paraprakisht se ka qënë edhe një shpërthim i dytë në një makinë parkuar në sheshin hyrës për në një tjetër metro, po në Shën Peterburg.
Deri më tani ka rreth 30 të plagosur dhe numri mund te rritet. Nuk ka të dhëna nëse sulmi është terrorist. /tesheshi.com/
