Një gazeta katolike e krahasoi ministrin e Brendshëm të Italisë, Matteo Salvini, me një satana, kjo për shkak të qëndrimit të tij “armiqësor” ndaj refugjatëve dhe emigrantëve të ardhur nga Lindja e Afrika.
Famiglia Cristiana gjykoi se Salvini është i pushtuar nga djalli, referuar formulës katolike mesjetare për personin nën ekzorcizëm, i cili më pas rezulton në një satana.
“Asgjë personale. Thjeshi i jemi referuar Biblës”, shkroi revista, e cila ka cituar peshkopë të shumtë italiane që janë thellësisht kritike ndaj politikave të kreut të Lega-s, me urdhër të të cilit janë bllokuar të gjithë portet italiane për të pritur emigrant apo refugjatë të ardhur nga brigjet afrikane.
I menjëhershëm ka qenë reagimi i politikanit kontravers italian, njëherësh nr.2 i qeverisë së Romës: “Ata mund të krahasohen me satanin, jo unë. Unë nuk e meritoj”, tha Salvini. Ai shtoi se ndihej i qetë nga fakti që merr çdo ditë mbështetje grigja e Kishës.
“Jam e lumtur për faktin se unë marr mbështetjen e përditshme nga burrat dhe gratë e Kishës”, shkroi Salvini në një postim në Twitter.
Ndërsa revista shkroi se Salvini duhet ta dijë që sipas Fjalës së Perëndisë, “të gjithë ne do të gjykohemi nga dashuria për të afërmin tonë.”
Famiglia Cristiana shitet në më shumë se 250,000 kopje në javë, duke e bërë atë një nga revistat më me ndikim në Itali, raporton Reuters. /tesheshi.com/
