Të diagnostikosh tumoret me siguri është shumë e rëndësishme dhe në të ardhmen do të jetë edhe më e thjeshtë, falë një analize gjaku, e cila do të mund të formulojë diganozën e plotë, në vetëm 30 minuta.
Kjo është risia e sjellë nga ana e një ekipi mjekësh amerikanë në Carnegie Mellon University, të cilët kanë vënë në jetë një teknikë, e cila bazohet tek valët zanore për të dalluar qelizat tumorale që shkaktojnë sëmundjet.
Teknika e përshkruar në revistën Pnas mendohet të jetë 20 herë më shumë efikase në krahasim me teknikat aktuale. Sot duhen të paktën 5 orë për të analizuar një kampion gjaku 5 ml, ndërsa ekipi i studiues ve të rinj bën me dije se nëpërmjet teknikës së re, gjithçka do të realizohet për 30 minuta.
Metodologjia e përdorur deri më sot, e cila është më e shpejta, është biopsia, një procedurë që ka shumë disavantazhe për pacientët, duke qenë se është e dhimbshme, ka nevojë për shtrim në spital, përfshin konsumin e medikamenteve dhe ndonjëherë edhe anestezi totale.
Metoda e re, e quajtur edhe biopsia e lëngshme, ka shumë avantazhe për pacientin, të cilat lidhen me faktin e të qenurit më pak evazive, jep një kuadër më të shpejtë dhe më të plotë të gjendjes tumorale dhe fazës së përhapjes së metastazave, pra në fund të fundit, jep informacion në lidhje me gjenetikën e tumorit, në mënyrë shumë më të mirë në krahasim me studimet e bëra në mënyrë të drejtpërdrejtë në neoplaste.
Presidenti i Carnegie Mellon University ka deklaruar se kjo metodologji dhe teknikë e re do ti vijë shumë në ndihmë njerëzimit sa i takon parandalimit të sëmundjeve kancerogjene dhe luftimit të tyre. “Qëllimi ynë është që kjo pajisje e re të mund t rrisë aftësinë e mjekëve për të diagnostikuar dhe trajtuar kancerin”,- është shprehur ai./tesheshi.com/
