Në rezidencën e BE-së në Shkup kanë nisur të vijnë edhe liderët e partive shqiptare.
Kryetari i BDI-së, Ali Ahmeti ka mbërritur në rezidencë ku paraprakisht kishin nisur negociatat midis liderit të VMRO-DPMNE, Nikola Gruevski dhe liderit të LSDM-së, Zoran Zaev, me praninë e eurokomisionerit për zgjerim Johannes Hahn dhe treshes së eurodeputetëve.
Siç bëhet e ditur, takimit pritet t`i bashkëngjitet edhe kryetari i PDSH-së, Menduh Thaçi. Ahmeti është i shoqëruar nga shefi i kabinetit Artan Grubi dhe sekretari i përgjithshëm i BDI-së, Abdilaqim Ademi.
Eurokomisioneri Hahn fillon agjendën e takimeve
13:10 – Komisioneri për zgjerim i KE-së, Johannes Hahn ka nisur takimet me dy liderët e partive kryesore maqedonase.
Eurokomisioneri Hahn në rezidencën e BE-së në Shkup, fillimisht ka nisur takimin e përbashkët me liderin e LSDM-së, Zoran Zaev dhe liderin e VMRO-DPMNE, Nikola Gruevski.
Në këtë takim ka marrë pjesë edhe ambasadori i BE-së, Aivo Orav.
Pasdite rreth orës 17.00 është planifikuar takimi i përbashkët me katër liderët, ku përveç Zaevit dhe Gruevskit do të jenë edhe kryetari i BDI-së, Ali Ahmeti dhe kryetari i PDSH-së, Menduh Thaçi.(INA)
10:40 – Në Shkup sot do të zhvillohet raundi i radhës i negociatave midis liderëve të katër partive kryesore për zgjidhjen e krizës. Në kuadër të këtyre negociatave që do të zhvillohen në rezidencën e ambasadorit të BE-së në Shkup, Aivo Orav do të kyçet Komisioneri për zgjerim i BE-së, Johannes Hahn si dhe treshja e eurodeputetëve Richart Hoëitt, Eduard Kukan dhe Ivo Vajgl.
Mediat kanë raportuar se ardhja e eurokomisionerit Hahn do të synojë gjetjen e një zgjidhje urgjente për tejkalimin e krizës politike. Maja Kocijancic, zëdhënëse e zyrës së eurokomisionerit Hahn deklaroi se do të kërkohet zgjidhje urgjente e krizës dhe se palët duhet të bëjnë përpjekjet për të arritur këtë për të hapur rrugën e procesit të evrointegrimeve dhe dialogut.
Opozita maqedonase rikonfirmoi se mbetet në kërkesat e saj për dorëheqje të Gruevskit, kryeprokurorit Zvrlevskit, drejtorit të RTVM-së dhe të gjithë zyrtarëve të prekur nga përgjimet, ndërsa si zgjidhje e përkohëshme është qeveria kalimtare.
VMRO-DPMNE e Nikola Gruevski deri tani ka hedhur poshtë zërat për dorëheqje dhe se do të vazhdojë të kërkojë formula të tjera për zgjidhjen e krizës.
Nga ana tjetër, partitë shqiptare siç paralajmëruan kanë një agjendë me kërkesa që në fokus do të jenë çështje që kanë të bëjnë me avancimin e pozitës së shqiptarëve
