Shkoi për pushime në një resort përrallor me 5 yje në Sharm el Sheikh, Egjipt, por udhëtimi i saj rrezikoi të përfundonte me tragjedi. 23 vjeçarja Nicola Collings në kthimin e saj në shtëpi në Angli, zbuloi se kishte marrë një infeksion në veshka.
Pak ditë pas kthimit gjendja e saj u përkeqësua dhe ajo u shtrua në spital. Ajo e tregon historinë e saj për “Mirror”, ku thotë se tashmë është e detyruar të bëj dializë gjithë jetën.
Fillimisht mjekët menduan se bëhej fjalë për apandesit, por pas analizave më të thelluara u zbulua se bëhej fjalë për infeksion në veshka.
“Duhet të bëj dializën për gjithë jetën. Por jam me fat, pasi edhe mund të kisha vdekur”, tregon ajo.
Dyshimet e mjekëve janë se e reja mund ta ketë marrë infeksionin pas pirjes së ujit jo të pastër ose ushqimeve të infektuara me ndonjë bakter të rëndë gjatë pushimeve. Nicole ka nisur betejën ligjore kundër resorit ku bëri pushimet. /tesheshi.com/
