Një tjetër ndeshje shumë pozitive për Donis Avdijajn. Nëse te Shalke nuk gjente hapësira në formacion, te skuadra austriake po shënon rregullisht dhe merr pjesë në aksionet e golave të shënuar. Për mesfushorin me tipare sulmuese të Shturm Gratcit, Donis Avdijajn, ka qenë një ditë e shkëlqyer me një gol të shënuar dhe dy asiste për shokët e tij të skuadrës. Pas paraqitjes pozitive në ndeshjet e kaluara, Avdijaj ka qenë protagonist në tre nga golat e skuadrës së tij në fitoren 5-0 ndaj Altah, shkruan Panorma Sport.
Parma e Lilës Një tjetër mrekulli në Serinë A nga Parma e Andi Lilës. Emilianët kanë fituar minimalisht në shtëpi ndaj Juventusit, ku mbrojtësi i Kombëtares është aktivizuar në minutën e 82-të. Pas barazimit 1-1 ndaj Interit me golin e mbrojtësit shqiptar dhe pas fitores ndaj Udinezes.
Humbet Salihi Hapoel Haifa e Salihit është mundur minimalisht 1-0 në sfidën me Hapoel Tel Aviv. Një ndeshje e mirë e shkodranit që ka vënë disa herë në rrezik portën e kundërshtarëve me goditjet e tij potente, por sërish nuk ka ardhur goli i parë i sulmuesit me fanellën e skuadrës izraelite. Ka pasur edhe një incident mes tij dhe mbrojtësit nigerian Izogu Abonima, por të dy lojtarët janë rikthyer në fushë pas marrjes së ndihmës mjekësore.
Cikalleshi, lojtari i ndeshjes Ndërkohë që në Kroaci, skuadra e Sokol Cikalleshit ka qenë shumë e pafat për të marrë pikët e plota. Shqiptari ka goditur shtyllën duke qenë edhe njëherë i pafat për të gjetur golin, por është shpallur lojtari i ndeshjes. Pas një goli të Rog në minutën e 82- të, ndeshja është barazuar në minutën e 90+4. Një ndeshje e pafat për Cikalleshin që nuk ka shënuar dhe nuk ka arritur të fitojë. /tesheshi.com/
