Skuadra londineze e Chelsea-t ka shkarkuar menaxherin Jose Mourinho shtatë muaj pasi ai e udhëhoqi ekipin drejt titullit në Premier Ligë.
Portugezi 52-vjeçar ishte në aventurën e dytë në klub, pas rikthimit në qershor të vitit 2013.
Chelsea përfundoi me tetë pikë epërsi në sezonin e kaluar, si dhe triumfoi në League Cup.
Por skuadra ka bërë një nisje të dobët këtë sezon, duke humbur nëntë prej 16 dueleve të deritashme.
Ndeshja e fundit e Mourinho-s si menaxher i Chelsea-t ishte ajo ndaj Leicester City-t, e humbur 2-1. Ky është dështimi i parë në këto përmasa i një prej trajnerëve më të mirë në qarkullim, që jomodestisht e ka quajtur veten këtu e vite të shkuara “Special One”. /tesheshi.com/
