Arben Ahmetaj vijon të zhvishet nga përgjegjësitë në PS, ngjashëm si me Kokëdhimën dikur, duke parathënë një mënjanim të ngadaltë të tij si ndër figuret kryesore qeverisëse të PS-së, qysh në mandatin e parë, duke prekur dhe postin e lartë të zv/kryeministrit.
Pas shkarkimit nga nr. 2 i qeverisë muaj më parë, për t’u zëvëndësuar nga e preferuara e amerikanëve, Belinda Balluku, tashmë ka ardhur shkarkimi tjetër, ai nga drejtues qarku i PS-së në Vlorë.
Kështu, Ahmetajt, një figure politike pothuajse aspak simpatike në publik, i hiqet dhe një “spaletë” nga Rama, duke e lënë pothuajse pa asnjë post të rëndësishëm, as partiak.
Tashmë është e qartë perëndimi i një figure, ndoshta dhe me direktivë amerikane.
Kujtojmë se që në mandatin e parë qeverisës, Ahmetajt iu besua ekonomia, me vonë dhe turizmi, si dhe Rindërtimi.
Ndërsa kur u bë zv.kryeministër, deputeti Braçe të cilin e zëvëndësoi në këtë post, s’rreshti së shpotituri, apo dhe akuzuari, pa emër por duke e lënë të nënkuptuar, për paaftësi. /tesheshi.com/
