Kryeparlamentarja Lindita Nikolli u mbrojt para deputetëve të opozitës, të cilët kërkuan shkarkimin e saj, pamundësuar kjo nga mazhoranca.
Për znj. Nikolli, pretendimet e kundërshtarëve politikë për drejtim seancash me frymë antiopozitare nuk janë të vërteta.
“Në atë kërkesë është emri por jo dëshira juaj, jo zëri juaj i brendshëm, ju e mbështesni kërkesën tuaj në interpretime jo në fakte.
Zbatoj kushtetutën dhe rregulloren, kam punuar e do punoj bashkë me ju. Me secilin prej jush, kemi patur një komunikim njerëzor, pse në sallë nuk kemi të njëjtën sjellje. Jam përballur e do përballem sy më sy. Kam qenë pranë jush si kolege.
Edhe pse e keni tepruar me gjuhën në adresën time, nuk do ju përgjigjem kurrë me të njëjtën gjuhë. Bëj detyrën time, mbi palët”, tha kryeparlamentarja socialiste.
Sipas saj, tensionet në Kuvend vijnë nga kriza brenda PD-së e jo nga sjellja e saj. /tesheshi.com/
