Presidenti ukrainas Volodymyr Zelensky emëroi Oleg Ivashchenkon, ish-nënkryetar i Shërbimit Informativ të Mbrojtjes (GUR), në krye të Shërbimit të Inteligjencës së Jashtme të Ukrainës, raportojnë mediat ukrainase.
Më herët gjatë ditës, Zelensky shkarkoi Alexey Danilov nga posti i sekretarit të Këshillit për Sigurinë Kombëtare dhe Mbrojtjen e Ukrainës dhe emëroi ish-kreun e Shërbimit të Inteligjencës së Jashtme Alexander Litvinenko në atë post, raporton Ukrainian Pravda.
Siç raporton Anadolia, dekreti për shkarkimin e Danilov është shpallur nga Presidenca ukrainase, e cila më vonë shpalli dekretin për emërimin e Litvinenkos në zëvendësimin e tij.
Ndryshimet e mëparshme
Nuk u dha asnjë arsye për shkarkimin e Danilovit, i cili mori postin në tetor 2019, por kjo po ndodh në vitin e tretë të luftës së Rusisë kundër Ukrainës ku forcat ukrainase nuk po arrijnë rezultate të mira në luftën kundër Rusisë siç kishin shpresuar, shkruan Anadolia..
Në shtator të vitit të kaluar, Zelensky shkarkoi Ministrin e Mbrojtjes dhe gjashtë zëvendësministra të Mbrojtjes, me sa duket për shkak të përpjekjeve të dështuara në luftën kundër forcave ruse. /tesheshi.com/
