Nuk ka portë USB klasike, as SD Card, as MagSafe, proçesori i ri nuk është Kaby Lake, ndërsa me një skedë grafike NVIDIA do të punonte më shpejt: këto janë vetëm disa nga kritikat për modelin e ri të Apple, MacBook Pro.
E megjithatë, pavarësisht të gjithave, ky model ka rezultuar të jetë një “minierë ari” për kompaninë Apple. Pavarësisht çmimit mjaft të lartë, përdoruesit e MacBook Pro kanë nxituar të prenotojnë modelet e reja të magjepsur pikërisht pas risisë së Touch Bari-it.
Nëse u besojmë të dhënave të publikuara nga Slice Intelligence, një shoqeri analizash që thotë se ka mbi 4.4 milion blerës, modelet e rinj të Apple duket se kanë thyer rekord në vetëm pesë ditët e para.
Gjatë ditëve të para, MacBook Pro i ka sjellë kompanisë Apple më shumë të ardhura se sa modeli i vjetër Macbook 12 inçësh që nga hedhja e tij në treg në 2015.
MacBook Pro ka pasur dhjetë herë më shumë shitje se konkurrentët e tij më të fortë si Dell Inspiron 2 në 1 apo Lenovo Yoga 900 dhe tre herë e gjysëm më shumë shitje se Surface Book. /tesheshi.com/
