Shërbimet e inteligjencës të BE-së thonë se kanë pikasur përpjekje të Rusisë për të ndikuar në zgjedhjet për Parlamentin e ri Europian që fillojnë më 23 maj, sipas një raporti nga agjensia gjermane e lajmeve DPA.
Përpjekjet përfshijnë përdorimin e rrjeteve sociale dhe rrjetin televiziv Rusia Today, që duan të mbështesin parti mike me rusët, si dhe të tjera të diskutueshme, citohen shërbimet e inteligjencës.
Në disa raste, qëllimi është vetëm të mbillet dyshimi për rëndësinë e Parlamentit Europian dhe të zvogëlohet vëmendja ndaj zgjedhjeve.
Agjentët e inteligjencës theksojnë se përpjekjet e Rusisë janë më pak të dukshme se gjatë fushatës presidenciale të SHBA në vitin 2016 ose zgjedhjeve në Francë në maj 2017.
Por qeveria ruse i ka hedhur poshtë në mënyrë eksplicite të gjitha akuzat.
Rusia as nuk kërkon të ndikojë në zgjedhjet evropiane e as nuk synon ta bëjë këtë në disa zgjedhje të tjera – tha ministri i jashtëm rus Lavrov. /tesheshi.com/
