Ka reaguar dhe presidenti Meta ndaj prishjes së godinës së vjetër të Teatrit Kombëtar, ku në vend të saj do të ndërtohet një e re.
Pos që e ka cilësuar si punë mafioze aktin e shtetit që ai drejton, te godina e shembur ai ka parë dhe xhamitë dhe kishat e ’67-ës.
“Pak orë më parë, në kulmin e errësirës, MAFIA urdhëroi shkatërrimin, jo vetëm të një prej monumenteve të trashëgimisë kulturore më të rrezikuara të Europës, por edhe të çdo iluzioni për ekzistencën e shtetit të së drejtës në Shqipëri.
Dhunimi i njëkohshëm i artistëve dhe gazetarëve është një damkë e zezë për MAFIEN në pushtet.
Kjo pamje do kujtohet njësoj si kazmat e diktaturës në ‘67 mbi kishat dhe xhamitë. Ky është një krim kushtetues, ligjor dhe moral i paamnistueshëm”, shkruan Meta. /tesheshi.com/
