Një lajm i keq vjen për Donald Trump, i zgjedhur si presidenti i ri i Shteteve të Bashkuara të Amerikës në fillim të muajit nëntor. Më Michigan ka nisur proçesi i rinumërimi i votave në dy qarqe, pak orë pas vendimit të Gjykatës Federale.
Me urdhër të gjykatës, pritet të rinumërkohen rreth 4.8 milionë vota.
Sipas rezultateve të numërimit të votave, Donald Trump ka fituar në ketë shtet me një diferencë prej 10 mijë e 704 votash ndaj demokrates Klinton. Saktesisht secili kandidat ka marrë më shumë se 2.2 milionë vota në Michigan, por kandidatja e Partisë së Gjelbër, Jill Stein, mori vetëm 5 mijë e 500 vota.
Por edhe pse me këtë rezultat, ishte pikërisht kjo e fundit që kërkoi nisjen e një proçesi rinumërimi. Sipas saj, jo se rezultati ka gjasë të ndryshojë në favor të Partisë së Gjelbër, por do të sigurohet që numërimi ka qenë i rregullt dhe i saktë.
Kjo ka qenë nisma e Jill Stein për rinnumërimin e votave, gjë e cila u mbështet edhe nga stafi i Hillari Klinton.
Një numër i madh akademikësh dhe aktivistë u kanë bërë thirrje autoriteteve amerikane për rinumërim të votave të zgjedhjeve presidenciale, edhe në Pensilvania dhe Wisconsin. Ata dyshojnë se zgjedhjet janë manipuluar nga hakerat e huaj, kryesisht ata rusë./tesheshi.com/
