Universiteti i Nju Jorkut (NYU) ka njoftuar se nuk do t’i japë diplomë një studenti i cili, gjatë fjalimit të tij në ceremoninë e diplomimit, dënoi sulmet izraelite ndaj palestinezëve dhe atë që ai e quajti “rol bashkëfajtor të Amerikës në këtë gjenocid”.
Fjalimi i Logan Rozos, i cili u mbajt në emër të të diplomuarve të Shkollës Gallatin të NYU-së të mërkurën, u prit me reagime të ashpra nga grupet pro-Izraelite të cilat kërkuan masa të menjëhershme disiplinore nga universiteti.
Në një njoftim për shtyp, zëdhënësi i NYU-së, John Beckman, kërkoi falje për përmbajtjen e fjalimit, duke e akuzuar studentin se po e keqpërdorte platformën për të shprehur “pikëpamje politike personale dhe të njëanshme”.
“Ai gënjeu për fjalimin që planifikonte të mbante dhe shkeli angazhimin e tij për të ndjekur rregullat tona”, shtoi Beckman. – Universiteti po ia mban diplomën derisa të përfundojnë procedurat disiplinore.
Universitetet në të gjithë Shtetet e Bashkuara po përballen me presion në rritje për të sanksionuar fjalimet pro-palestineze, duke u përballur me kërcënime për shkurtime fondesh nga administrata e ish-Presidentit Donald Trump, e cila shpesh i ka barazuar kritikat ndaj Izraelit me antisemitizëm. /tesheshi.com/
