Dy përballjet e së mërkurës u dhanë fund ndeshjeve të para të një të tetave të Champions League-s, për të vijuar në mars me ato të kthimit.
Në “Ramon Sanchez Pizjuan”, Sevilja dhe Mançester Junajtedi regjistruan të vetmin barazim pa gola të këtyre tetë takimeve.
Në një 90-minutësh luftarak, vendasit u ndalën nga De Gea në përpjekjet e tyre për të shënuar. Më anemikë qenë anglezët në fazën sulmuese.
Me këtë barazim 0-0, ekipet spanjolle i mbyllin takimet e para të një të tetave pa humbje, ashtu si ato angleze. Rezultati lë gjithçka të hapur për përballjen në “Old Trafford”.
Shakhtar i Donjeckut përmbysi epërsinë e pjesës së parë për romanët, për të shënuar dy herë në pjesën e dytë dhe për të fituar 2-1.
Cengiz Ünder ishte sërish shënues për Romën, siç kishte bërë gjatë këtyre javëve të fundit. Goli i tij i minutës së 41-të i dha avantazhin skuadrës së kryeqytetit italian.
Avantazh që do të përmbysej një pjesën e dytë, me dy gola të Shakhtarit, shënuar fillimisht nga Ferreyra në minutën e 52-të, e më pas nga Fred në të 71-n. /tesheshi.com/
