Shefi i diplomacisë serbe, Ivica Daçiç në pajtim me presidentin Aleksandar Vuçiç, gjatë shtatorit do të dërgojë emisarë specialë edhe në tetë shtete për të penguar anëtarësimin e Kosovës në UNESCO dhe organizatat tjera ndërkombëtare.
Siç shkruan gazeta serbe “Novosti”, deri më 9 gusht emisarët specialë nga 27 shtete të parapara kanë vizituar 19 shtete dhe bëhet fjalë për aksionin e lobimit diplomatik kundër kandidaturës së Kosovës, e cila ka nisur më 1 prill.
Kujtojmë se dy vjet më parë, Kosova dështoi të pranohej në UNESCO, e konsideruar kjo si një disfatë e rëndë e diplomacisë së Prishtinës, edhe pse e mbështetur fort dhe nga Tirana. /tesheshi.com/
