Në Serbi ka nisur votimi këtë të dielë për zgjedhjen e presidentit të ri të vendit. Në një garë me 11 kandidatë, kryeministri Aleksandër Vuçiq shpreson të marrë më shumë se 50 për qind të votave për të siguruar një mandat pesëvjeçar si president.
Diçka më pak se shtatë milionë votues do të kenë mundësi të thonë fjalën e tyre përmes kutive të votimit për presidentin e ri, me pjesëmarrjen që pritet të jetë më e madhe se në zgjedhjet e përgjithshme të vitit të shkuar.
Sipas agjencive të lajmeve, qytetarët serbë të cilët jetojnë në Britani, në SHBA e Kanada kanë votuar një ditë më parë.
Sugjerohet se Vuçiq do ta ketë të lehtë të fitojë, por nëse nuk ia arrin të sigurojë shumicën e votave, pas dy javësh, më 16 prill, do të ketë një balotazh.
Një ultranacionalist i kthyer në politikan me qasje më europiane, 47-vjeçar Vuçiq pritet që t’i jap më ton postit presidencial, më së shumti ceremonial së fundi.
Mes kandidatëve që janë në garë sot për detyrën e presidentit gjenden dhe emrat e ish-ministrit të Jashtëm Vuk Jeremiq dhe të radikalit Vojislav Sheshelj. /tesheshi.com/
