Një punëtor shqiptar është lënduar dhe 8 makina të parkuara janë dëmtuar, në një sulm që ka ndodhur në veri të Mitrovicës në lagjen “Tre rrokaqiejt”. Burime të portalit tesheshi.com njoftojnë se persona të panjohur, pas orës 13.00 kanë hedhur një granatë dore në drejtim të punëtorëve që ishin duke punuar në renovimin e fasadës së njërit prej të ashtëquajturve rrokaqiej.
Personi i dyshuar për hedhje të granatës është larguar nga vendi i ngjarjes, ndërsa policia po kryen hetimet. Personi i lënduar është dërguar në spital.
Burime të tjera theksojnë se dyshohet që granatën në drejtim të punëtorëve shqiptarë ta ketë hedhur grupi kriminal serb i dirigjuar nga Millan Radonjqiq. Ky sulm ka për qëllim paralajmrimin e kompanive shqiptare se nuk munden të punojnë në Veri. Sulmin e ka konfirmuar edhe policia vendase. /tesheshi.com/
