Krerët e serbëve të Bosnjës provokojnë rëndë ndërgjegjen e një populli të tërë duke nderuar famëkeqin Radovan Karaxhiq, i cili pritet që pas katër ditësh të dënohet për gjenocid nga Gjykata e Hagës.
Presidenti i Republika Srbska në Bosnjë-Hercegovinë, Milorad Dodik, ka zhvilluar një ceremoni të bujshme ku ka trazuar gjithë opinionin publik.
Dodik, një konvikti djemsh në Pale, ku ka pasur selinë shtabi i Karaxhiqit dhe Mlladiqit, i vuri emrin e psikiatrit të tmerrshëm.
“Me këtë veprim ne e mbështesim një njeri që ka vënë firmën e tij për ndërtimin e Universitetit të Sarajevës lindore. Ne shpresojmë se procesi në Hagë do të ketë një vendim të kënaqshëm. Unë jam i lumtur që në këtë ceremoni marrin pjesë gruaja dhe vajza e tij”, tha Dodik.
Por nuk ka qenë vetëm Dodik dhe bashkëshortja e Karaxhiqit në këtë ceremoni, por edhe politikanë nga Beogradi.
Dodik tha se konvikti ka një simbolikë të fortë në këtë moment kur Karaxhiç po përballet me vendimin e Tribunalit të Hagës pas një procedure, siç e quajti ai, “poshtëruese” për Republikën Serbska.
“Republika Serbska ka jetuar dhe jeton gjitha këto vite në kushte të pamundura, të kontestuara nga fillimi, sepse gjithmonë ka pasur shumë njerëz të cilët nuk dëshirojnë që vendi ynë të jetë ky që është”, tha Dodik.
Gjykata e Hagës për Krimet e Luftës do të japë vendimin e saj më 24 mars në lidhje me akuzën e kreut të serbëve të Bosnjes, Radovan Karaxhiç, i cili akuzohet për gjenocid të kryer në Srebrenicë në vitin 1995 dhe krime të tjera të luftës në BH. /tesheshi.com/
