Senati i Shteteve të Bashkuara të Amerikës ka konfirmuar diplomatin Greg Delawie në postin e Ambasadorit të ShBA-ve në Kosovë, javën e kaluar.
Delawie nga shteti i Virginia-s, do ta zëvendësojë në këtë pozitë ambasadoren Tracey Ann Jacobson e cila i jep fund mandatit të saj trevjeçar si kryediplomate e Amerikës në Kosovë.
Delawie ishte nominuar nga presidenti Obama për ta drejtuar Ambasadën në Kosovë në fund të marsit të këtij viti.
